Нимкодясям! Аттьöалам!

Рака тöлысьö миян енбиа ныв — зон ветлiсны юркарö петкöдлыны ассьыныс сям - кужöмлунныссö, мукöдъяскöд вермасьны коми литература да фольклор кузя республикаса тшупöда олимпиада вылö. Зэв нимкодь, мый лоисны вермысьяс лыдын.

Ануфриев Никита, 11-öд классын велöдчысь лои вермысöн фольклор кузя. Зонкалы сьöлöм вылö воö йöзкостса творчество аслас помтöм — дортöм озырлунöн, дед — баблöн вежöрö йиджöм висьталöм — кольöмторъясöн, коми йöзлöн традицияяс да обычайяс тöдны зiльöм, кужöмöн олöмö пыртöм да видзöм.

Сьöлöмысь петана аттьöалана кыв шуам ныв — зонлы енбиалунысь, сюсь вежöрысь, мам кывъя литература да фольклор пыдди пуктöмысь, пыдiа тöдöмысь, сöвмöдöмысь, туялöмысь, мый чужан кывлöн руыс йиджöма том сьöлöмö, мый кужöмöн ловзьöдöны да видзöны Коми му да чужан кыв дорö помтöм радейтöмсö.