Медводз Ануфриева Н. Н. 6-óд классын петкóдліс коми кыв урок.
Урок кывзóм бóрын óта-мóдкóд юксим юóртóмъясóн.
Уджъертъяс водзын выступитіс Кипиево школаын коми кыв велóдысь Карпенко В. А. да сëрнитіс чужан кыв урокъяс вылын коммуникативнóй кужанлун сóвмóдóм йылысь.
Кельчиюр школаын велóдысь Чупрова А. Е. сëрнитіс внекласснóй удж йылысь - кыдзи велóдчысьяс костын нуóдóны "Мича ныв да удал зон" конкурс.
Мохча школаысь велóдысьяс Рочева И. И. да Ануфриева Т. Е. юксисны коми кыв да литература урокъяс вылын кроссенс методóн вóдитчóм да рóдвужлысь коми нимъяс чукóртóм йылысь информацияóн.
Образование Управлениеóн веськóдлысь Канева Л. К. висьталіс традиционной изьваса костюм колана ногóн пасьталóм - новлóм йылысь да нуóдіс мастер-класс.

Кипиево школаын начальный класса велóдысьяс юксисны коми кыв видзóмóн-велóдóмóн, петкóдлісны чужан кывлы сиóм декадаяс нуóдóм, коми кыв урокъяс дырйи интерактивнóй дóскаóн вóдитчóм да висьталісны уна пóлóс ас вóчóм ворсóмъяс уджó пыртóм йылысь.

Сідзжó миянóс тóдмóдісны школаса музейóн, кóні петкóдчó школалóн да и дзоньнас сиктлóн историяыс.

Печорабокса ылі сиктó ветлóмысь нимкодь ставнымлы - миянóс шоныда примитóмысь, колана да пóсь сëрниясысь, выль тóдмасьóмъясысь, коми пызанысь!
Дыр кежлó тайó чукóртчылóмыс коляс миян сьóлóмó.
Таысь ыджыд аттьó Кипиево школаса администрациялы да велóдысьяслы!

Вокуева А Д., коми кыв велóдысьяслóн ММО-óн веськóдлысь.